Адæмы размæ рахæссынц сæ фыдæлты традицитæ куыд æххæст кæнынц, ирон фынджы уæлхъус цавæр æгъдæуттæ ис, уæдæ музыкалон культурæйы хицæндзинæдтæ дæр
Мæздæджы цæуы национ-культурон æхсæнадты фестиваль. Организацион комитеты хъуыдымæ гæсгæ алы къуырийы дæр Уæлахизы Парчы, Хæлардзинады хæдзары бындурыл чи кусы, уыцы национ-культурон æхсæнадты активтæ саразынц ахæм бæрæгбæттæ. Адæмы размæ рахæссынц сæ фыдæлты традицитæ куыд æххæст кæнынц, ирон фынджы уæлхъус цавæр æгъдæуттæ ис, уæдæ музыкалон культурæйы хицæндзинæдтæ дæр. Егъау куыст бакодтой Мæздæджы районы «Стыр Ныхас»-ы активон архайджытæ. Хæдзары фсинтæ раргом кодтой хæринаг кæныны сусæгдзинæдтæ. Зæгъæм, сæрмагондæй Винограднæйы хъæуæй æрцыдысты Бестауты Ингæ æмæ Уалыты Магдæ. Ирон пецы сфыхтой традицион кæрдзынтæ. Иу дзырдæй рауад рæсугъд национ бæрæгбон. Мадзал саив кодтой хистæр æмæ кæстæр фæлтæрты минæвæрттæ. Ирон мыггæгты минæвæрттæ та сарæзтой ретротранспорты равдыст. Бæрæгбоны тæваг ма банкъарæн уыд, дæнцæгæн хæссинаг ансамбль «Ир»-ы фæрцы. Разамынд ын дæтты Хъæрджынты Анастасия. Мæздæджы цæрджытæн æмæ уазджытæн радон хатт фадат уыд ирон адæмы традицитæ æмæ æгъдæуттæ базонынæн. Бæрæгбон фæци ирон кафты фидауц – симдæй.
