Зылд цæуы куыд горæты иумæйаг территоритæм, афтæ хæдзæртты кæртытæм дæр
Мæздæджы уынгты дæр райдыдтой аивгæнæн куыстытæ кæнын. Зылд цæуы куыд горæты иумæйаг территоритæм, афтæ хæдзæртты кæртытæм дæр. Ныртæккæ куыстытæ кæронмæ фæхæццæ кæнынц дыууæ скверы – Пушкины æмæ Кировы номыл библиотекæты. Полрядон организацийы минæвæрттæ систой зæронд асфальт, æмæ йæ баивтой дизайнерон нырыккон æрмæгæй. Уымæй дарддæр бацæттæ кодтой цъæхфæлыстæн фæз. Сæвæрдтой дзы нырыккон рухсгæнæнтæ. Хæстæгдæр рæстæг дзы ныссадздзысты туятæ стæй сæвæрдзысты ног бандæттæ. Аивгæнæн куыстытæ цæуынц Сыгъдæг Георгийы номыл парчы дæр. Ам та куыстытæ цæуынц бынæттон бюджеты фæрæзтæй. Цæст рæвдауынц ног асфальт, цъæх фæлыст. Рæхджы та дзы фæзындзæн фонтан. Федералон проект æххæст кæнгæйæ, фæрæзтæ фæфылдæр сты 2 милуаны æмæ 500 мин сомы онг. Æмтгæй райсгæйæ 3 азмæ Мæздæджы программæ «Горæты æнцонвадат архайд»-мæ гæсгæ сцалцæг кодтой бирæфатерон хæдзæртты дыууын кæртæй фылдæр.
