Кусæг къордты сты пъæлицæйы кусджытæ æмæ фæлхасадмæ цæстдарды управленийы специалисттæ
Мæздæджы ведомствоты хсæн арæзт къордты уæнгтæ æхсæнадон кусджытимæ иумæ аразынц рейдтæ, бирæ адæм кæм æмбырд кæнынц, ахæм бынæтты. Кусæг къордты сты пъæлицæйы кусджытæ æмæ фæлхасадмæ цæстдарды управленийы специалисттæ. Ацы хатт изæрыгон рейды рацыдысты дружинниктæ æмæ Æхсæнадон советы уæнгтæ. Раздæр уал скодтой æнæмæнг хъæугæ инструктаж. Радзырдтой сын, сæ тыхы чи бацыд, уыцы закъоны нормæты æмæ, фæтк чи халы, уыдоны æфхæрæн мадзæлтты тыххæй. Рейды архайджытæ адих сты дыууæ къордыл, æмæ сбæрæг кодтой дæсгай кафетæ æмæ ресторантæ. Се ппæт дæр сты Мæздæджы сæйраг уынджы. Бæрнон кусджытæ кастысты, адæммæ QR-кодтæ кæнæ æндæр бардæттæг гæххæттытæ ис, æви нæй, санитарон домæнтæ куыд æххæст кæнынц, ома маскæтæ дарыны фæтк, социалон дистанци æххæст кæнын æмæ æндæр хъуыддæгтæм. Æппæт бæрæггæнæнтæ дæр бахынцтой. Иуæй-иу фиппаинæгтыл бакуыстой æвæстиатæй. Ахæм мадзæлттæ цæудзысты дарддæр дæр. Бæрæг кæндзысты ирхæфсæн залтæ æмæ алыхуызон лæггæдты салонтæ.
