Тæхæн аппаратты фрагменттæ ласт æрцыдысты сæрмагонд æфсæддон операцийы территорийы алы рæттæй. Ныр сæ фенæн ис музейы стендтыл. Тæхæн аппаратты фрагменттæй уæлдай ма дзы бæстон æвдыст цæуынц сæ тактикон-техникон хицæндзинæдтæ дæр. Цы техникæ æрæппæрстой, уый æууæлтæ бæстонæй рабæрæг кæнын нæ хæстонтæн æххуыс кæны æнцондæрæй дронтæн ныхкъуырд дæттынæн. Музейæн ныридæгæн æрæмбырд кодтой цалдæр сæдæ экземпляры. Равдыст саразджытæ куыд зæгъынц, афтæмæй экспозици кæндзæн парахатдæр æмæ фылдæр. Æфсæддонтæн сæ хъуыдыйы ис, цæмæй равдыст феной Мæздæджы районы скъолаты æвзонг æфсæддонтæ. Сæхи цæстæй фендзысты экспозици, бæстондæр базондзысты зенитон-ракетон полчы æмæ дæлхайæдты хæстон фæндæгты тыххæй, стæй, сæйрагдæр та сæрмагонд æфсæддон операцийы зонæйы цы салдаттæ æмæ офицертæ ис, уыдоны сгуыхтдзинæдты тыххæй.
