Бакуыста йыл Уæрæсейы æмæ Цæгат Ирыстоны сгуыхт нывгæнæг, Уæрæсейы аивæдты академийы академик Абысалты Юрий
Махческы арæзт æрцыд культурон проект «Нывгæнджытæ – хæхты сывæллæттæн». Бакуыста йыл Уæрæсейы æмæ Цæгат Ирыстоны сгуыхт нывгæнæг, Уæрæсейы аивæдты академийы академик Абысалты Юрий. Курдиатджын фæсивæдæн сæ зонындзинæдтæ нæ бавгъау кодтой нывгæнджытæ Виталий Ветров, Сергей Кулешов Фидараты Фидар æмæ иннæтæ. Проекты авторы хъуыдымæ гæсгæ, афтæмæй фадат дæттынц æвзонг нывгæнджыты курдиат ирдæй раргом кæнынæн, æмæ сын аивад фылдæр бауарзынæн.
Æрæфы районы Мæхческы хъæуы æрæзт æрцыд æрвылазон авторон проект «нывгæнджытæ –хохы сывæллæттæн». Алы хатт дзы æрбамбырд вæййынц нывкæнынадмæ куыдфæндыйы цæстæй чи нæ кæсы, ахæм сабитæ. Вæййы сын фадат ацы аивады хуызы зындгонд адæмимæ фембæлынæн æмæ сын сæ амынддзинæдтæм байхъусынæн. Ацы аз ардзы хъæбысы гæххæтмæ се нкъарæнтæ рахæссыны фадат уыд 40 сывæллонæн. Мæхческмæ сæ аластой Æрæфы районы администрацийы æххуысы фæрцы. Лагкуыты Омар йæхæдæг дæр æгасцуай загъта акци саразджытæн.
Уый размæ æзты ацы проект арæзт æрцыд хохаг хъæутæ Одола, стæй Стыр-Дыгуры скъолайы. Ныр сæ бафæндыд Мæхческы æрбынат кæнын. Архайдтой дзы зындгонд нывгæнджытæ Абысалты Юрий, Александр Рубец, Виталий Ветров , Сергей Кулешов, Фидарати Фидар, аивæдты училищæйы дизайны ахуыргæнæг Абысалты Тамарæ, Блогер- Михаил Ткаченко, стæй Дзæуджыхъæуы аивæдты скъолайы директор Быдтаты Азæ. Хъуыстгонд нывгæнджыты куыстытæ фенгæйæ, сывæллæттæн æнæ тырнæн нæй фылдæр зонындзинæдтæ райсынмæ ацы къабазы.
Æхсызгон мадзалы фæрцы, йæ архайджытæй бирæтæ сæхи раздахынц нывкæнынады цæвæрдæр ног хуызмæ.Уый та ууыл дзурæг у, æмæ йæ саразджыты нысан царды йæ бынат кæй ары.
