21 августа 2024, 11:10
Майкъопы байгом равдыст «Ирон колорит»
Ирыстойнаг нывгæнджыты уацмыстæ æвдисынц стильты æмæ техникæты бирæвæрсыгдзинад, стæй райгуырæн зæххимæ арф бастдзинад æмæ уарзондзинад.
Куыстытæ æххæст сты æрдзы удварнæй, национ историйæ æмæ колоритæй. Уыдон аивадуарзджытæн æнкъарын кæнынц регионы атмосферæ. Экспозицийы – Челæхсаты Магрезы, Джыккайты Мураты, Мæргъиты Таймуразы, Кцойты Юрийы, Кæркуысты Роберты æмæ Пухаты Вадимы нывкæнынады, графикæйы æмæ скульптурон уацмыстæ. Хицæн ныхасы аккаг сты Цæгат Ирыстоны адæмон нывгæнæг Кцойты Юрийы скульптурæтæ. Мастеры куыстытæ æвдисынц æрмæст ирон культурæйы традицитæ æмæ символикæ нæ, фæлæ аивады райрæзт, йæ бастдзинад адæмы историимæ. Равдыст ахæсдзæн 16-æм сентябрьмæ.
темæмæ гæсгæ
