Уыдон бар дарынц нæ бæстæйы цæрджытæн сæ фылдæрмæ
Майы сæ тыхы бацыдысты цалдæр ахсджиаг закъоны æмæ уагæвæрды. Уыдон бар дарынц нæ бæстæйы цæрджытæн сæ фылдæрмæ. 2-æм майæ фæстæмæ фæдзæхстадон пенситæ исдзысты æрмæстдæр Уæрæсейы посты уылты. Уыцы ногдзинады фæрцы нæ бæстæйы территорийы пенситæ æмæ иннæ социалон фиддонтæ исдзысты æнæмæнгæй æмæ æнæкъуылымпыйæ. Уымæй уæлдай фенцондæр кодтой сæрмагонд æфсæддон операцийы архайджыты хæстæджытæн социалон фиддонтæ райсыны фæтк. Кæд хæстоны тыххæй 6 мæйы дæргъы хъусынгæнинаг нæй, уæд сæрмагонд æфсæддон операцийы архайæджы тæрхондоны уылты ис банымайæн, æбæрæгæй чи фесæфт, ахæмыл. Æфсæддоны бинонтæн йæ мæлæты тыххæй æвдисæндар дæтдзысты æрмæст медицинон куыстуæттæ нæ, фæлæ ма бæрнон адæймæгтæ дæр. Ноджыдæр ма иу ивддзинад бар дары банкты куыстмæ. Федералон хъалонты службæ хъуамæ банкмæ арвита хъусынгæнинаг гражданины мæлæты тыххæй. Уый фæстæ чи амард, уыцы адæймаджы хыгъдтимæ архайæн нал уыдзæнис, цы бæрæггæнæнтæ дзы ис, уыдон та нымад цæудзысты хъалонты сусæгдзинадыл. Уыцы ивддзинæдты фæрцы мард адæймаджы банчы картæтæй пайда кæнæн нал уыдзæнис.
