16 сентября 2014, 17:22
Мамсыраты Таймураз абон фембæлд спортсментимæ
Республикæйы сæргълæууæг сын радта паддзахадон хæрзиуджытæ. Спорты стыр сгуыхтдзинæдтæ кæй равдыстой, уый тыххæй дунеон чемпионтæ Рæмонты Сослан æмæ Цæболты Хетæг хорзæхгонд æрцыдысты «Ирыстоны намысы» майдантæй. Зындгонд спортсмен Гуæцæлты Хадзымуратæн æмæ Хуыгаты Хетæгæн Мамсыраты Таймураз радта Кады фыстæджытæ.
Республикæйы сæргълæууæг сын радта паддзахадон хæрзиуджытæ. Спорты стыр сгуыхтдзинæдтæ кæй равдыстой, уый тыххæй дунеон чемпионтæ Рæмонты Сослан æмæ Цæболты Хетæг хорзæхгонд æрцыдысты «Ирыстоны намысы» майдантæй. Зындгонд спортсмен Гуæцæлты Хадзымуратæн æмæ Хуыгаты Хетæгæн Мамсыраты Таймураз радта Кады фыстæджытæ. Бирæ азты хъомыладон куыст кæй кæнынц, фидæны чемпионты кæй хъомыл æмæ цæттæ кæнынц, уый тыххæй Æлборты Руслан æмæ Цъебойты Владислав хорзæхгонд æрцыдысты «РЦИ-Аланийы сгуыхт тренер»-ы кадджын нæмттæй. Мамсыраты Таймураз се ппæтæн дæр раарфæ кодта. Куыд загъта, афтæмæй Уæрæсейы спорты министр Виталий Муткойæ æмæ спортивон хъæбысхæсты федерацийы президент Михаил Мамиашвилийæ абон райста арфæйы тел. Республикæйæн зæгъынц «бузныг» – зындгонд спортсменты дзы кæй хъомыл кæнынц, уый тыххæй.
темæмæ гæсгæ
