Глэмпингты ис электрон тых, бакодтой сæм æппæт коммуникацитæ
«Мамысоны» райдыдтой модулон цæрæн хæдзæрттæ æвæрын. Объекттæ æххæстæй дзуапп дæттынц Мамысонгомы æрдзон уавæртæн. Глэмпингты ис электрон тых, бакодтой сæм æппæт коммуникацитæ. Ацы модулон конструкцитæ балхæдтой Китайы, ахæмтæ æвæрынц Европæйы æмæ Америкæйы хæххон курортты. Бæлвырддæр радзурдзæн Хъайтмазты Дзерассæ.
Модулон «зондджын» хæдзæрттæ æмæ классикон коттеджтæ. Фидæны курорт Мамысоны фæзындысты фыццаг уазæгдзæрæн объекттæ. Глемпингтæ æвæрыны куыстытæ райдыдтой фарон сæрды. Ам æдзух фæллой кодта 30 адæймагæй бригад. Ныртæккæ куыстытæ фæвæййынц. Хæдзæртты ис электрон тых, бакодтой сæм æппæт инженерон коммуникацитæ. Балхæдтой хъæддзаума æмæ техникæ дæр.
Засеты Арсен – Отелы разамонæг: “Мы были в Китае, посмотрели заранее эти домики. Такие, аналогичные домики ставят во многих горнолыжных курортах Европы и Америки. Система так сказать накатанная, но в России это пока было не очень распространено, мы рискнули, плюс по срокам это было достаточно быстро. Наши партнеры, они пообещали, что это будет в те сроки, которые мы обговорили”.
Модулон хæдзæрттæ – сты рагагъоммæ цæттæгонд секцитæй кæй æмбырд кæнынц, ахæм бæстыхæйттæ. Уый фæрцы зынгæ æнтысы фæцыбырдæр кæнын арæзтады рæстæг æмæ фæкъаддæр кæнын хæрдзтæ. Модультæ балхæдтой Китайы, Уæрæсейы та сæ цæттæ кодтой Мамысонгомы æрдзон уавæртæм. Ацы хæдзæрттæ фæразон сты цавæрфæнды климатæн дæр – хъæддых уазæлттæй тынг тæвдты онг. Уымæ гæсгæ зæрдæмæдзæугæ сты курорттæн. Хæдзæрттæ ифтонг сты нырыккондæр техникæйæ.
Æдæппæтæй ам фæнд кæнынц 20 модулон хæдзары сæвæрын. Сæ фылдæр конд сты. Отелы разамонæг Засеты Арсен куыд загъта, афтæмæй мæйы кæронмæ хъавынц æппæт куыстытæ фæуын æмæ фыццаг уазджытыл сæмбæлын. Отелы территорийы ма уыдзæн административон бæстыхай æмæ ресторан.
Курортон комплекс Мамысон арæзт цæуы Цæгат Ирыстоны рæсугъддæр бынæттæй иуы. Ком хъæздыг у историйы æмæ æрдзы цыртдзæвæнтæй. Митын бæрзæндтæ, сæрмагонд климæт æмæ гуылфæг хæххон цæугæдæттæ. Январы фыццаг бонты кусджытæ дарддæр ахæццæ кодтой арæздтадон куыстытæ
Нысанмæ гæсгæ, рекреацион курорт Мамысоны фыццаг туристты суазæг кæнын фæнд кæнынц зымæджы кæрон.
