Уый у æрыгондзинады, уарзондзинады æмæ царды тыххæй постановкæтæн сæ зæрдæмæхъаргæдæр
Мариинаг театры филиалы Дзæуджыхъæуы ацыд Джакоммо Пуччинийы оперæ «Богемæ»-йы премьерæ. Уый у æрыгондзинады, уарзондзинады æмæ царды тыххæй постановкæтæн сæ зæрдæмæхъаргæдæр. Сценæйы æрмæст филиалы солисттæ нæ архайдтой, фæлæ Санкт-Петербургæй хуынд артисттæ дæр. Бæстондæр радзурдзæн Чехойты Фатимæ.
Æвдыст цæуы Париж 1930-æм азты. Цард, уарзондзинад æмæ мæгуыр артистты трагикон мард – оперæйы сюжет. Æрыгондзинад, хæлардзинад æмæ фæндты ныхкъуырдзинад царды æцæгдзинадыл. Мариинаг театры сценæйы сæвæрдтой музыкалон спектакль концертон хуызы. Сæйраг хъайтартæй иуы сурæт сарæзта Надежда Гамаюн. МимИйы ролыл куыста педагогтимæ.
Цæгатирыстойнаг театрдзаутæ оперæ фыццаг хатт фехъуыстой йæ дунеон премьерæйы бон 130 азы размæ. Уымæ гæсгæ артисттыл, сæ ныхæстæм гæсгæ, уыд дывæр бæрнондзинад. Солист Тедеты Арсены хъæлæсæй сдзырдта нывгæнæг Марсель.
Оперæ италиаг æвзагыл кæй уыд, уымæ гæсгæ театрдзаутæн бацæттæ кодтой субтитртæ, тæлмацгонд цыд уырыссаг æмæ англиссаг æвзæгтæм. Ацы хатт æнæ фыстытæй дæр æмбæрсгонд уыд йæ хъуыды – Пуччини фыста зæрдæмæхъаргæ музыкæ.
Мариинаг театры филиалы солисттимæ иумæ сценæйы архайдтой Санкт-Петрбургæй хуынд артисттæ. Уыдонæй иу – зарæггæнæг Игорь Барбаков. Йæ Рудольф æрмæст МимИйы уарзон нæу, фæлæ у Парижы зындгонддæр адæмы дунемæ фæндагамонæг.
Сценæйы æнкъарæнтæ æмбæрстгонд сты театрдзаутæн. Опера Пуччини – у цард, йæ алывæрсыг ирддæр хуызты. Тыхджын къухæмдзæгъд – уымæн æвдисæн.
