Йæ дирижер, Цæгат Ирыстоны адæмон артист Гугкаты Зауырбег
Мариинаг театры филиалы райдыдта ног сезон. Байгом æй кодта симфонион оркестры концерт. Йæ дирижер, Цæгат Ирыстоны адæмон артист Гугкаты Зауырбег. Солисткæ та уыд зындгонд пианисткæ, æппæтадæмон фестивальты æмæ конкурсты лауреат Софья Бугаян. Ног театралон сезоны тыххæй бæстондæр радзурдзæн Чехойты Фатимæ.
Мариинаг театр байгом кодта йæ ног сезон. Цæгат Ирыстоны культурон хæзнатæй иу 9-æм хатт байгом кодта йæ дуæрттæ музыкалон аивадуарзджыты размæ. Уый æхсызгон у æрмæст адæмæн нæ, фæлæ артисттæн дæр.
Ног сезон – ног хъуыдытæ æмæ егъау проекттæ. Октябры фæнд кæнынц сæвæрын оперæ «Царская невеста» Римский-Корсаковы уацмысмæ гæсгæ. Мариинаг театры филиалы тагъд рæстæджы хъуамæ сæ курдиат равдисой æндæр регионты артисттæ дæр. Уыцы фадат уазджытæн æдзух вæййы, ферох кæнæн кæмæн нæй, ахæм архайд, зæгъы Гугкаты Зауырбег.
Мариинаг театры филиалы 9-æм сезон кадджын уавæры гом æрцыд симфонион оркестры концертæй. Разамынд ын лæвæртта республикæйы адæмон артист Гугкаты Зауырбег. Солисткæ уыд зындгонд пианисткæ, æппæтадæмон фестивальты лауреат Софья Бугаян. Сценæйæ зæлыдысты зындгонд уацмыстæ – Брамсы 4-æм симфони æмæ Чайковскийы фортепианойы 2-аг концерт.
Залы уыд аншлаг. 400 адæймагæй фылдæр æрбацыдысты сценæйы уарзон театры артистты курдиатмæ бакæсынмæ. Уыдонæй иутæ арæх вæййынц театры, иннæтæ та зæрдæйæн æхсызгон æнкъарæнтæ фыццаг хатт бавзæрстой.
Мариинаг театры филиалы ног сезон – ног æрхъуыдыдзинæдтæ æмæ разæнгарддзинæдтæй æххæст. Æмæ уый банкъардзысты, фидæны равдыстытæ чи бабæрæг кæна, уыдонæй алчидæр.
