15 декабря 2021, 12:22
Машинæты фæндаг Джызæл – Хъæрмæдон – Дзуарыхъæуы уаццагыл райдыдта рацарæзт
Проектæн фæрæзтæ радих кодта федералон центр
Машинæты фæндаг Джызæл – Хъæрмæдон – Дзуарыхъæуы уаццагыл райдыдта рацарæзт. Куыстытæ цæудзысты 2 къæпхæнæй. Проектæн фæрæзтæ радих кодта федералон центр. Фæндаг уыдзæни 4-æм техникон категорийы. Фæндаджы уæрх уыдзæн 12 метры, уыдонæй 7 метры машинæты фæндаг. Сног кæндзысты æртæ хиды дæр. Фæндаг хæхты кæй ис, уымæ гæсгæ, хуымæтæг нæу. Тæссаг дзы у дуртæ разгъæлынæй, уымæ гæсгæ дзы æххæстгонд цæуынц æдасдзинады æппæт домæнтæ. Туристтæ æппæтæй арæхдæр фæцæуынц Хъæрмæдоны рдæм, фæлæ куыстыты рæстæг, бæлццæттæ къуылымпыдзинæдтæ не ййафдзысты. Объект лæвæрд æрцæудзæн 2022-æм азы кæрон.
