филиал вгтрк государственная телерадиовещательная компания “Алания”

«Нæ историйы кад æмæ намысы фæндæгтæ». Ахæм сæргондимæ машинæтыл дугъ ацы бонты цæуы Цæгат Кавказы горæтты – хæстон намысы бынæтты. Змæлды архайынц æрыгон адæм. Сты Ростовы уæлдæр ахуыргæнæндæтты студенттæ. Ныридæгæн бахæццæ сты Мæздæгмæ. Ацы аз делегаци сси æппæтадæмон. Историон бынтæ иртасыны фæнд скодтой Сербийы, Белоруссийы æмæ Луганскы Адæмон Республикæйы минæвæрттæ. Се ппæты дæр иу кæнынц патриотизмы æнкъарæнтæ. Фыдыбæстæйы Стыр хæсты рæстæг нæ хистæртæ цы лæгдзинад æмæ хъæбатырдзинад равдыстой, уымæн уæлдай кад скæнын у акцийы сæйраг нысан. Фашизм басæттæн уыди æрмæстдæр ахæм удыхъæды хицæуттæн. Кадджын мадзалы архайджытæ дидинджытæ сæвæрдтой æнусон арты цур.