Уæрæсейы ныхмæ санкциты уавæрты медицинæйы къабазы сси зындæр кусæн. Уавæр фæбæрæг ис стоматологты куыстыл дæр. Хъæугæ æрмæг фæсарæнтæй ласыны фадат сын нал ис. Уыимæ, санкциты руаджы Уæрæсейы наукæйы æмæ технологиты рæзт зынгæ фæрæвдздæр. Нырыккон техникон фæрæзтæ уадзын райдыдтой нæ бæстæйы дæр. Чехойты Фаттмæ радзурдзæн бæлвырддæр.
Светланæйы ныхæстæм гæсгæ, дыууæ азы размæ æнæхъæн бинонтæй райдыдтой сæ дæндæгтæ дзæбæх кæнын. Тыхстысты, бæстæйы зын экономикон уавæр куы фæбæрæг уа медицинæйы ацы къабазы лæггæдтыл. Катай кодтой, куы фæзынаргъдæр уа дæндæгтæ дзæбæх кæныны аргъ. Фæлæ куыд рабæрæг, афтæмæй сæ катай уыд бынтон дзæгъæлы.
Медицинæйы къабæзтæй стоматологи йæхиуыл се *ппæтæй тынгдæр банкъардта санкцитæ. Специалисттæ куыд зæгъынц, уымæ гæсгæ цы æрмæгæй куыстой, уыдонæн иутæн сæ 90 % , иннæтæн та суанг 100% сты фæсарæнтæй ласт. Тынгдæр стыхстысты ортодонттæ. Америкæйæ брекеттæ уадзæг куыстуæттæн санкциты аххосæй Уæрæсеимæ бастдзинад æхгæд æрцыд.
Кæддæры ныфсджын хъуыды – се *нæниздзинад хъыгдард кæмæн у, ахæм сывæллæттæн сæ дæндæгтæ дзæбæх кæнгæйæ седативон препараттæй пайда кæнын, ныр сси æрвылбоны куыст. Дохтыртæ-анестезилогтæ куыд нымайынц, уымæ гæсгæ уыцы ногдзинад бантыст фæлтæрдджын дохтырты æмæ нырыккон фæсарæйнаг æрмæджыты руаджы.
Юридикон æгъдаумæ гæсгæ медицинон æрмæджытыл санкцитæ æвæрд нæ уыдысты. Бирæ куыстуæттæ сæхи *гъдауæй нал æрвыстой сæ продукци Уæрæсемæ. Фæлæ иууылдæр нæ. Зæгъæм, Хуссар Кореяйæ цы ног фæрæзтæ исынц, уыдон баивтой слепокты æрмæг. Уыдоны руаджы рагацау сбæлвырд кæнæн ис медицинон лæггæдты хатдзæгтæ миллиметры онг.
Нырыккон æмæ стыр уæлвæзадон техникон фæрæз. 5-æм фæлтæры томограф. Уымæй пайдагæнгæйæ дохтыртæ диагнозтæ æвæрынц æнæ рæдыдæй. Александр Беленчековæн йæ куыстæн нæй уæвæн æнæ оптикон фæрæзтæй. Æппæтæй хуыздæрыл дохтыр нымайы Германийы конд микроскоп.
Медицинон æххуыс цæуы тагъд æмæ рогæй. Ацы куысты рæдийæн нæй. Дохтыр æвналы арæхстгай, профессионалон ард «Ма бахъыгдар» хъуыды кæнгæйæ.
Дохтыртæ рухс фидæныл дарынц сæ зæрдæ. Сæ куыст кæнынц медицинæйы нырыккон домæнтæ æххæстгæнгæйæ. Уæрæсейы конд æрмæг дæр ис. Йæ хæрзхъæддзинад дæр фæсарæйнæгтæй дæлдæр нæ лæууы.
Ныртæккæ медицинон центртæ æмæ ацы къабазы куыстуæттæ сæхæдæг дæр хæссынц се *вæрæн наукæ æмæ технологиты рæзтмæ. Санкт-Петербурджы медицинон центр цæттæ у фидар æмæ рæсугъд импланттæ æмæ каронкæтæ кæнынмæ.
Специалисттæ, санкцитыл нæ хъуыдыгæнгæйæ, æнувыдæй кæнынц сæ ахсджиаг куыст. Фæсарæйнаг æрмæг æмæ техникæйæ æнæ пайдагæнгæ нæй. Стоматологты дæсныйад домы фылдæр нырыккон æрмæджытæ, протезтæ æмæ медицинон техникæ.
Фæлæ дохтыртæ нæ тыхсынц. Стоматологи у медицинæйы раззагдæр къабаз. Специалисттæ æууæндынц, уыдзæн ног фадæттæ адæмæн хæрзхъæд медицинон лæггæдтæ кæнынæн. Æргътæ цас фæфылдæр уыдзысты, уый сæхæдæг дæр нæ зонынц.
Дохтыртæ æмæ рынчынтæ бæлвырдæй зонынц – Уæрæсейы уыдзæн ног технологитæ. Ныридæгæн дæр специалисттæ сæ куысты æнтыстджынæй пайда кæнынц дæсгай нырыккон методикæтæй. Уыдоны руаджы дохтыртæ алы регионты дæр агурынц ног мадзæлттæ рынчынты дзæбæх кæнынæн. Уæрæсейы ныхмæ санкцитæ нæ хъуыды кæнгæйæ, архайынц низтæ рагацау рабæрæг кæныныл. Пайда кæнынц, раздæры азты фæсарæнтæй кæй ластой, ахæм уæрæсейаг æрмæджытæй.
