филиал вгтрк государственная телерадиовещательная компания “Алания”

«Медтехникæ» алы рынчындонмæ дæр. Сæрмагонд организаци райдыдта республикæйы дзæбæхгæнæндæттæ медицинон кусæнгæрзтæй ифтонг кæнын. Зæгъæм, ныртæккæ сцалцæг кодтой, алы рæттæм ласæн кæй ис, ахæм флюорограф. Аппарат кусдзæн районты центрты æмæ дæрддзæф хъæуты. Йæ фæрцы пациенттæ афойнадыл исдзысты хъæугæ æххуыс. Афтæмæй фæстауæрц кæндзысты бюджеты фæрæзтæ. Моргуаты Ладæ радзурдзæн бæлвырддæр.

Раздæр сцалцæг кæнæн кæй нæ уыд, уыцы мобилон флюорограф аластой Кировы районы рынчныдонмæ. Йæ базилынмæ милуантæ хардз кæнын нæ бахъуыд. Ныр Цæгат Ирыстоны чи фæзынд, уыцы паддзахадон куыстуат«Медтехника» йæ куыст аразы, куыд æмбæлы, афтæ. Уымæ гæсгæ æндæр регионтæй специалистты хонын нæ бахъуыд.

Куыстуат «Медтехникæ»-йы директор Хадарцаты Марат куыд радзырдта, афтæмæй аппаратмæ бæстон æркæсдзысты. Кæд ма исты аиппытæ ссарой, уæд æм ногæй æркæсдзысты, æмæ сæ сраст кæндзысты.

Кировы районы рынчындоны хъуамæ сæвæрой флюорографийы стационарон аппарат. Уыйфæстæ медицинон кусæнгæрзтæ аласдзысты Дыгуры æмæ Æрæфы районтæм. Уæд профилактикон æркастытæм сæ бон цæуын уыдзæн районты хъæуты цæрджытæн дæр. Афтæмæй фидарæй зæгъæн ис, æмæ уæззау низтæй бахизæн æнцондæр уыдзæн. Ома сæ рагацау куы сбæрæг кæнай, уæд.

Ныртæккæ «Медтехнике»-йы цалцæг кæнынц, алы ранмæ ласæн кæй уыдзæн, ахæм дыууæ флюорографы. Уыдонæй дæр сифтонг кæндзысты республикæйы районты рынчындæттæ.