Автоинспектор куы раиртаса машинæйы нæ кусынц рухсытæ, фæзилæнтæ, авгсæрфæнтæ, уæд уыцы машинæйы шофырæн фæндагыл дарддæр цæуыны бар нал ис
Мидхъуддæгты министрад фæкарздæр кæндзæн фæндагыл цæуæг хæдтулгæты уавæрмæ цæстдард. Зæгъæм автоинспектор куы раиртаса машинæйы нæ кусынц рухсытæ, фæзилæнтæ, авгсæрфæнтæ, æрлæууæнтæ æмæ æндæр аипдзинæдтæ, уæд уыцы машинæйы шофырæн фæндагыл дарддæр цæуыны бар нал ис. Уыимæ рухсгæнæнтæ æмæ уарыны рæстæг авгсæрфæнтæ куы нæ кусой уæд инспекторы бон у шофыры фæндагмæ ма рауадзын, дæттынц йын 72 сахаты, уыцы рæстæгмæ хъуамæ ногæй ацæуа техникон цæстдард. Лыстæгдæр хабæрты тыххæй та йæ ауатдзысты цалцæггæгæн æрмадзы онг. Кæд шофыр семæ не сразы уа, уæд инспекторы бон у кæм регистрацигонд у, уый байсын. Ахæм ног домæнтæ арæзт цæуынц техникон цæстдард цæуыны тыххæй реформæмæ гæсгæ.