Уый тыххæй фехъусын кодта, Пятигорскы йæ разамындæй цы æмбырд ацыди, уым
Михаил Мишустин фаутæ æрхаста Цæгат Кавказы федералон зылды субъектты социалон-экономикон рæзты программæйы ахадындзинадмæ. Уый тыххæй фехъусын кодта, Пятигорскы йæ разамындæй цы æмбырд ацыди, уым. Архайдтой дзы Цæгат Кавказы федералон зылды субъектты сæргълæуджытæ, се хсæн нæ республикæйы сæргълæууæджы хæстæ рæстæгмæ æххæстгæнæг Сергей Меняйло. Уæрæсейы Хицауады сæрдар фæнысан кодта Цæгат Кавказы регионты бæрæггæнæнтæ æппæтуæрæсеонтæй куыд хицæн кæнынц, уый. Афтæ, æгуыст адæмы æмвæзад бæстæйы рæстæмбис бæрæггæнæнтимæ абаргæйæ, у дыууæ хатты фылдæр. Хуыздæр цæстæнгас домынц коммуналон системæ æмæ фæндæгты хæдзарад дæр. Михаил Мишустины ныхæстæм гæсгæ йæхи хорз нæ равдыста инвестицион проекттæн æххуысы механизм дæр. Фарстатæ алыг кæнын хъæуы федералон æмвæзадыл.
