Æнæзæрдæмæдзæугæ тæф, æмæ бындзытæй сæ бон уынгмæ рацæуын нæу.
Михайловскæйы цæрджытæ хъаст кæнынц, поселок бырæтты бын кæй фæци, уымæй. Æнæзæрдæмæдзæугæ тæф, æмæ бындзытæй сæ бон уынгмæ рацæуын нæу.Поселокы бырæттæ ласыны хъуыддагæн дзуапп дæтты компани Эко-Альянс. Фæлæ цавæрдæр аххосæгтæм гæсгæ, йæ куыст, куыд æмбæлы, афтæ нæ кæны. Не сфæлдыстадон къорд фембæлд цæрджытимæ.Хестанты Эммæ Михайловскæйы цæры 43 азы. Куыд зæгъы, афтæмæй сæм бырон ласынимæ къуылымпыдзинæдтæ фæзынди æрмæстдæр фæстаг афæдз. Кæд раздæр бырæттимæ дзæкъултæ æрмæстдæр 2-3 боны æмбырд кодтой, æмæ иу сæ аластой, уæд ныр та поселок зæгъæн ис, æмæ сси иу стыр бырондоны хуызæн.Поселокы ис бирæ сывæллæттæ. Тæфæй æддæмæ рацæуæн кæй нæй, уый тыххæй æдзух сты мидæгæйы. Уавæр карздæр у сывæллæтты рæвдауæндоны. Бацæуæны цур ис бырæтты обæуттæ. Поселокы бырон ласыны хъуыддагæн дзуапп дæтты компани Эко-Альянс.Сæ лæггæдты аргъ иу адæймагæн у, 46 сомы.Кæд компанийы куыстмæ фаутæ æрхæссæн ис, уæддæр адæм фидынц, уымæн æвдисæн сты сæ квитанцтæ. Сæ хъаст бахастой поселокы сæргълæууæгмæ. Уый сын зыгъта, йæ бæрны фарста кæй нæу. Фæлæ адæмы фæндонтæ бахæццæ кодта дзуапдæттæг ведомствæмæ.Михайловскæйы цæрджытæн афтæ дæр бæлвырд дзуапп ничи радта, бырон кæд аласдзысты, уый тыххæй. Уæвгæ ахæм уавæры республикæйы сты 18 хъæуы. Уыдонæн дæр лæггад кæны компани Эко-Алянс. Гæнæн ис, æмæ республикæ организацийы лæггæдтæй пайда кæныныл нал сразы уыдзæн.
