филиал вгтрк государственная телерадиовещательная компания “Алания”

Миксфайт клуб «Алантæ»-йы хъæппæрисæй Дзæуджыхъæуы уыд турнир боулингæй. Схуыдтой йæ «Бойцовский боулинг». Архайдтой дзы куыд профессионалтæ, афтæ ацы спорт чи уарзы, уыдон дæр. Æдæппæтæй уыдысты 16 командæйы: спортсментæ, дзыллон информацион фæрæзты минæвæрттæ, министрадты æмæ ведомствæты кусджытæ. 

Фыццаг бынат бацахста командæ «За100льники», дыккаг бынат – æнæнхъæлæджы уавæрты министрады командæ, æртыккаг бынат та – туризмы æмæ инвестицион политикæйы министрады командæ. Турниры кæронбæттæны уæлахиздзаутæн æмæ архайджытæн радтой призтæ, стæй сын сæ зæрдæтæ барухс кодтой хъæлдзæг программæйæ.

Хуадонты Артур, боулингы федерацийы сæргълæууæг: «Ахæм ерыстæ кæй цæуынц, уый хорз у. Афтæмæй фæсивæд интернеты къаддæр вæййынц, æвзæр исты хъуыддæгтын нæ хæст кæнынц. Фæлæ ам иннæтимæ базонгæ вæййынц æмæ сæхи ирхæфсынц. Уадæ спорты ацы хуыз парахатдæр кæны афтæмæй».