20 августа 2021, 13:18
Мин сывæллонæй фылдæр æххуыс райсдзысты ног ахуыры азмæ бацæттæ кæнынæн
Акци «Сæмбырд кæн сывæллоны скъоламæ»-йы архайын кæй фæнды, уыдонæн ахæм фадат ис августы кæронмæ
Мин сывæллонæй фылдæр æххуыс райсдзысты ног ахуыры азмæ бацæттæ кæнынæн. Фонд «Быть Добру» фæллойы æмæ социалон рæзты министрад æмæ республикæйы амалхъом адæмимæ фæкæсынхъуаг бинонты сабитæн бацæттæ кодтой канцелярон товартæ. Сæ иу хай сын байуæрстой ацы бонты Дзæуджыхъæуы. Рады лæууынц республикæйы районты скъоладзаутæ. Акци «Сæмбырд кæн сывæллоны скъоламæ»-йы архайын кæй фæнды, уыдонæн ахæм фадат ис августы кæронмæ. Дзæуджыхъæуы канцелярон дуканиты ис сæрмагонд къоппытæ, уым алкæйы бон дæр сæвæрын у скъоладзаутæн исты товартæ.
темæмæ гæсгæ
