Цæгат Ирыстоны делегаци архайы регионы сæргълæууæг Сергей Меняйлойы разамындæй
Минводы дарддæр цæуы Кавказы инвестицион форум – 2025. Куыд ма хъусын кодтам, афтæмæй дзы Цæгат Ирыстоны делегаци архайы регионы сæргълæууæг Сергей Меняйлойы разамындæй. Республикæйы стенды ирдæй зынынц йæ инвестицион хъомыс, уникалон культурон æмæ æрдзон хъæздыгдзинæдтæ. Регион æмгуыстады бадзырд бафыста бæстæйы егъаудæр маркетплейстæй иуимæ. Цæгат Ирыстоны товартæ исæн пунктты рæзтæн компани ацы аз фæрæзтæ бахæсдзæн 168 милуан сомæн. Уыцы æхцатæ хардзгонд æрцæудзысты заказтæ дæттæн ног пункттæ гом кæныныл чи кусы, амалхъомдзинады уыцы къабазы æххуысæн. Сергей Меняйло ма форумы фæлгæты æмгуыстады бадзырд бафыста Санкт-Петербурджы паддзахадон технологон институты ректоримæ дæр. Ацы университет бæстæйы зындгонд у куыд химийы, техникæйы æмæ IT-индустрийы къабæзты специалистты чи цæттæ кæны, ахæм нырыккон ахуырадон æмæ наукон центр. Куыд нысан кæнынц, афтæмæй ахуыргæнæндон æххуыс кæндзæн Цæгат Ирыстоны профилон куыстуæттæн. Ацы бадзырд республикæйы рауагъдадон-технологон æмæ кадрты фарстаты размæ гом кæны стыр гæнæнтæ. Уæ зæрдыл уын лæууын кæнæнм, УФ-йы Президенты указмæ гæсгæ, Кавказаг инвестицион форум арæзт уцæуы æрвылаз. Йæ бындур у Цæгат Кавказы социалон-экономикон рæзт.
