Сывæллæттæн æрмдæсныйады сусæгдзинæдтæ раргом кодта Уæрæсейы нывгæнджыты цæдисы уæнг, скульптор Деметы Ибрагим
Мобилизацигонд адæмы сывæллæттæн Дзæуджыхъæуы арæзт æрцыдысты дæсныйадæвдисæг ахуыртæ æлыгæй куыстимæ. Сывæллæттæн æрмдæсныйады сусæгдзинæдтæ раргом кодта Уæрæсейы нывгæнджыты цæдисы уæнг, скульптор Деметы Ибрагим. Сахуыр сты æлыгæй хъуывгъантæ æмæ мæргъты хуызы æхситгæнæнтæ кæнын. Акци сарæзта парти «Иугонд Уæрæсе». Æлыгимæ куысты размæ дæр ма мобилизацигонд адæмы цотæн сарæзтой 10 мадзалы. Программæмæ гæсгæ сывæллæттæ уыдысты музейты, æмæ сын скодтой алыхуызон дæсныйад æвдисæг ахуыртæ.
Деметы Ибрагим, скульптор, Уæрæсейы нывгæнджыты цæдисы уæнг: «Аивады куыст кæнын. Сывæллæтты дæр фæахуыр кæнын. Фæнды мæ, цæмæй фылдæр архайой аивадыл. Уый адæймагæн йæ уды куы уа, уæд дунемæ дæр æндæр цæстæй фæкæсы».
