Уый тыххæй оперативон штабы æмбырды фехъусын кодта республикæйы сæргълæууæг Сергей Меняйло
Мобилизациимæ баст æппæт мадзæлттæ Цæгат Ирыстоны фесты. Уый тыххæй оперативон штабы æмбырды фехъусын кодта республикæйы сæргълæууæг Сергей Меняйло. Регионы разамонæг куыд загъта, афтæмæй æфсæддон комиссарадты куыст гæрзифтонг тыхтæ комплектаци кæнынмæ гæсгæ дарддæр æххæстгонд цæудзæн бархионты æмæ контракттæ чи бафысса, уыдоны фæрцы. Мобилизацигонд адæмы цæттæ кæнынæн цы материалон-техникон бындур уыд, уымæй пайда кæндзысты æфсæддонты хуымæтæг фæткмæ гæсгæ цæттæ кæныны хъуыддаджы. Уыимæ Сергей Меняйло зæрдыл æрлæууын кодта, республикæйы дæр, куыд иннæ субъектты, афтæ, кæй райдыдта фæззыгон сиддон кампани. Цæуы пъланмæ гæсгæ, æмæ сæрмагонд æфсæддон операци æххæстгæнгæйæ цы хæстæ æвæрд ис, уыдонмæ ницы бар дары.
