Республикæйы разамонæг районты сæргълæуджытæн бахæс кодта, æфсæддон комиссариаттимæ иумæйагæй бæрнонæй бæрæг кæной, мобилизацимæ чи бахауди, уыдоны номхыгъд
Повесткæтæ чи райста, фæлæ хайон мобизизацийы тыххæй бардзырды домæнтæм чи нæ хауы, уыдоны хъуамæ ма акæной. Мобилизацимæ чи бахауд, фæлæ домæнтæ чи не ххæст кæны, уыдон та хъуамæ æрбаздæхой сæхимæ. Сергей Меняйло республикæйы районты сæргълæуджытæн бахæс кодта, æфсæддон комиссариаттимæ иумæйагæй бæрнонæй бæрæг кæной , мобилизацимæ чи бахауди, уыдоны номхыгъд. Республикæйы разамонæг зæрдыл æрлæууын кодта, хайон мобилизацийы сæйраг домæнтæ сты: адæймаджы кар, службæйы фæлтæрддзинад æмæ æфсæддон ахырад. Районты разамындæн загъта, афоныл алы адæймаджы курдиатмæ дæр куыд кæсой, æмæ алы фарста дæр бындуронæй куыд иртасой, хъуамæ алцыдæр уа закъонмæ гæсгæ, нæдæр къаддæр, нæдæр фылдæр. Уæ зæрдыл уын æй лæууын кæнæм, республикæйæн радтой мысанæхсæн 429-æм полкæн 2 батальоны сæмбырд кæныны хæс, стæй 19-æм бригады дæлхайад баххæст кæнын.
Уымæй уæлдай, Сергей Меняйло бахаста фæндон, республикæйы бæлццæттæласджыты æххуысæй автобус бацæттæ кæнын, Уæрæсе æмæ Гуырдзыйы арæнтыл ахизын кæй фæнды, уыдонæн. Афтæмæй, цæстдарæн-уадзæн пункт «Уæллаг Ларс»-ы машинæты нымæц фæкъаддæр уыдзæн, загъта республикæйы разамонæг. Хорз уаид, хи машинæтæн рæстæгмæ электрон рад куы скæниккой, уæд. Контролон уадзæн пункт «Уæллаг Ларс» -ы автомобилон транспорты цыд, раздæрау у зын. Официалон бæрæггæнæнтæм гæсгæ, 3 мин æмæ 5 сæдæ машинæйæ æнхъæлмæ кæсынц арæнты сæрты ахизынмæ. 8 сæдæ машинæйæ фылдæр та лæууынц сыхаг республикæтимæ административон арæнтыл.
