Июны æмæ июлы 60 ахуыргæнинагæй фылдæрæн фадат уыди ног техникон зонындзинæдтæ райсынæн, æмæ дзы спайда кодтой æххæстæй
Мобилон технопарк «Кванториум» æмæ сывæллæтты реабилитацион центр «Тæмискъ» кæронмæ ахæццæ кодтой сæрдыгон уæлæмхасæн ахуырадон проект. Июны æмæ июлы 60 ахуыргæнинагæй фылдæрæн фадат уыди ног техникон зонындзинæдтæ райсынæн, æмæ дзы спайда кодтой æххæстæй. Фæсивæд арæзтой компьютерон хъæзтытæ, роботтæ æмæ фæлвæрдтой дронтæ. Сæрды каникулты рæстæг, «Кванториум»-ы разамонджытæ сывæллæтты реабилитацион центр «Тæмискъ», санаторий «Осетия»-йы æмæ лагерты арæзтой дæсныйадæвдисæг ахуыртæ. Уæ зæрдыл уын æй лæууын кæнæм, Цæгат Ирыстоны национ проект «Ахуырад»-ы фæлгæты фыццаг мобилон «Кванториум» фæзынд ивгъуыд азы кæрон. Арæзт у бирæвæрсыг цæугæ комплексы хуызы.
