Нæ республикæмæ уазæгуаты ссыдысты Мордовийы культурæ æмæ туризмы министры хæстæ æххæстгæнæг Вячеслав Цилин, стæй республикæйы национ политикæйы министр Александр Лузгин.
Нæ республикæмæ уазæгуаты ссыдысты
Мордовийы культурæ æмæ туризмы министры хæстæ æххæстгæнæг Вячеслав
Цилин, стæй республикæйы национ политикæйы министр Александр
Лузгин. Сæ балцы сæйраг хъуыды у – «Се ппæт дæр стæм Уæрæсейæ» акци
сæххæст кæнын. Ныридæгæн уал бабæрæг кодтой 35 регионы. Уазджытæн уыд
пресс-конференци Национ наукон библиотекæйы. Куыд загътой, афтæмæй ацы
хорз хъуыддаг ахæццæ кæнын хъæуы дарддæр. Фембæлды кæрон Мордовийыл
фыст чингуытæ балæвар кодтой библиотекæйæн.
Сослан Хадиков, РЦИ-Аланийы национ
ахастдзинæдты министры фыццаг хæдивæг: «Нæ республикæмæ ссыдысты
уазджытæ Мордовийæ, мах сын æгас цу зæгъæм, суазæг сæ кодтам. Нæ
пълæнтты ис семæ нæ бастдзинæдтæ фидар кæнын, æххæст кæнын. Тынг
æхсызгон нын у, кæй æрбацыдысты махмæ сæ культурæ æвдисынмæ. Мах дæр
сын нæ культурæ равдисдзыстæм, нæ адæмы истори, не гъдæуттæ».
Махъоты Ацæмæз, РЦИ-Аланийы паддзахадон
филармонийы аивадон разамоæнг: «Абон сæ федтам, базонгæ стæм, æмæ
баныхас кодтам. 20 азы дæргъы кæрæдзийы нæ зыдтам, кæрæдзимæ уазæгуаты
нæ цыдыстæм. Мæнæ ныр æмбæлдзыстæм арæхдæр. Радзырдтон сын ахæм хабар,
æмæ махмæ нæ филармонийы Мордовийæ кусынц 3 адæймаджы. уымæй сын сæ
зæрдæ балхæдтон. Тынг æхсызгон сын уыдис».
