Йæ архайджытæ куыд загътой, афтæмæй республикæйы стыр æргом здæхт цæуы интеллектуалон-сфæлдыстадон къабазы райрæзтмæ
Фæсивæды хъæппæристæ царды рауадзынæн гранты хуызы баххуыс кæнын, ацы темæ уыд сæйрагдæр, муниципалон скондты фæсивæдон хъуыддæгты комитеты Æппæтуæрсеон конгрессы. Йæ архайджытæ куыд загътой, афтæмæй республикæйы стыр æргом здæхт цæуы интеллектуалон-сфæлдыстадон къабазы райрæзтмæ. Проекттæй царды æххæстгонд чи цæуы, уыдонæй иу у клуб «Альбус». Ис хорз гæнæнтæ сфæлдыстадон фæзуæттæ саразынæн. Сæйраг нысан у ахæм хуызы клубтæ байгом кæнын республикæйы æппæт районты, саразын уавæртæ курдиатджын фæсивæды раргом кæнынæн. Интеллектуалон клубы президент Жанна Бориева куыд радзырдта, афтæмæй æнтыстджынæй ацы хъуыды æххæстгонд цæуы Æрыдоны районы. Ам радих кодтой бæстыхай æмæ хъæугæ кусæнгæрзтæ.
