Архайдтой дзы Уæрæсейы 40 горæты минæвæрттæ, стæй ма Турчы, Узбекистаны, Укранинæйы æмæ æндæр бæстæты æвзонг артисттæ дæр
Сывæллæтты сфæлдыстады Галуаны музыкалон театр «Премьерæ» рамбылдта Гран-при æмæ 3 фыццаг бынаты бацахста Æппæтадæмон конкурс-фестиваль «Москва верит талантам»-ы. Арæзт æрцыд январы райдиан. Архайдтой дзы Уæрæсейы 40 горæты минæвæрттæ, стæй ма Турчы, Узбекистаны, Укранинæйы æмæ æндæр бæстæты æвзонг артисттæ дæр. Не мзæххонтæ сæ арæхстдзинад æвдыстой 3 номинацийы, æмæ се ппæты дæр систы уæлахиздзаутæ. Коллективы педагог Елена Смирнова хорзæхгонд æрцыд «Хуыздæр хореографы» дипломæй. Æппæтадæмон проект «Салют Талантов» нысангонд æрцыд 2008-æм азы. Йæ сæйраг нысан у – рæзгæ фæлтæры ргом аивадмæ здахын, æрыгон курдиæттæн æххуыс кæнын æмæ ма педагогты профессионалон æмвæзад уæлдæр кæнын дæр. Проект «Салют Талантов» фадат дæтты æппæтуæрæсеон, европæйаг æмæ дунеон фестивальты архайынæн, æмæ алы бæстæты истори æмæ культурæимæ зонгæ кæнынæн.
