филиал вгтрк государственная телерадиовещательная компания “Алания”

Историйыл дзурæг архитектурæ. Зындгонд архитектор, Уæрæсейы культурæйы фонды цæгатирыстойнаг филиалы директор, профессор Цæллагты Сосланæн мыхуыры рацыд фæлварæн чиныг «Зодчие Владикавказа 19-20 веков». Автор уал æм бахаста 19-æм æнусы æмæ Советон дуджы ирддæр архитекторты цалдæр номы. Чиныг 30 экземплярæй мыхуыры рацыд рауагъдад «Ир»-ы. Ныртæккæ сты ахуыргæнæндæтты æмæ республикæйы библиотекæты. Бакæсæн дзы ис, ныронг зонгæ чи нæ уыд, ахæм историон цауты тыххæй. Автор куыд зæгъы, афтæмæй у чиныгæн йæ 5-æм хай. Фæлварæн чиныджы презентаци уыд фæсивæдон библиотекæйы. Æрбахуыдтой йæм архитекторты, историкты æмæ студентты. Чиныджы нысаниуæгыл æрдзургæйæ бакастысты Дзæуджыхъæуы архитектурон нывæфтыдтæй кинонывмæ. Цæллагты Сослан йæ алы куысты дæр ирдæй æвдисы архитектурæ, куыд нæ горæты азфыст.

Дзаттиаты Руслан, историон наукæты доктор: «Дзæуджыхъæу чи скодта, горæты хуызын чи радта, уыцы архитекторты тыххæй у. Æмæ сæ къамтæ дæр сты уым, цы сарæзтой уыдон дæр равдыста чиныджы. Цыбырæй сæ царды тыххæй ныффыста; кæм райгуырдысты, кæм ахуыр кодтой, цытæ ма сарæзтой æндæр. Тынг цымыдис у. алкæйы зæрдæмæ дæр фæцæудзæнис чиныг».