25 июня 2014, 11:13
Мыхуыры рацыд, Ирыстоны ном дæрдтыл чи айхъуысын кодта, уыцы хъæбатыртыл фыст чиныг
«Стыр уæлахизы инæлартæ» – афтæ схуыдтой, Плиты Иссæйы, Хетæгкаты Георгийы æмæ Мамсыраты Хаджумары цардвæндаг æмæ хæстон цаутæ цы чиныгмæ хаст æрцыдысты, уый. Бакуыста йыл республикæйы архивон службæ.
«Стыр уæлахизы инæлартæ» – афтæ схуыдтой, Плиты Иссæйы, Хетæгкаты Георгийы æмæ Мамсыраты Хаджумары цардвæндаг æмæ хæстон цаутæ цы чиныгмæ хаст æрцыдысты, уый. Бакуыста йыл республикæйы архивон службæ. Чиныджы автор у Нина Чиплакова. Дзæуджыхъæуы «чиныджы хæдзары» йын уыд презентаци. Стыр аргъ ын скодтой æртæ мыггаджы минæвæрттæ, æмæ историктæ. Хаст æм æрцыдысты, адæм ныронг кæй нæ зыдтой, ахæм хъуыддæгтæ. Не мзæххонтæ цы хъæбатырдзинад равдыстой, уый дæнцæгæн хæссынц канд Ирыстоны нæ, фæлæ ма суанг фæсарæнты дæр. Чиныгаразджытæ æрмæг æмбырдгæнæгæйæ спайда кодтой республикæйы æмæ Мæскуыйы архивтæй. Æртæ хъæбатырæн ма ссардтой суанг сæ фыдæлты тыххæй цымыдисаг æрмæджытæ дæр. Чиныг пайда уыдзæн алы кары адæмæн дæр. Ацы æртæ адæймаджы сгуыхтдзинæдтæ хъуамæ зоной фæлтæрæй фæлтæрмæ. Йæ тираж у 400 экземпляры. Хæстæгдæр рæстæг æй фенæн уыдзæни республиткæйы библиотекæты.
темæмæ гæсгæ
