Ныртæккæ æххæст кæнынц коронавирусимæ баст уагæвæрд
Уæливыхтæ æмæ куадзæны адджинæгтæй Мæздæджы цæрæг Бобыревты бинонтæн раарфæ кодтой акци #МыВместе–ы бархионтæ. Раздæр дæр ацы бинонтæн цыд æххуыс. Ныртæккæ æххæст кæнынц коронавирусимæ баст уагæвæрд.
Бобыревтæ иннæ аз бæрæг кæндзысты сæ сызгъæрин чындзæхсæв. 49 азы бинонтæ цæрынц кæрæдзийы уарзгæйæ. Дыууæ йæ дæр хъазуатонæй куыстой бынæттон колхозы. Æрыгæттæ куы уыдысты, уæд дардтой мыды чыргъæдтæ, ныр се нæниздзинад фæцудыдта.
Хæдзары хицаумæ уыд 3 инсульты, хæдзары фсин хъæрзы йæ тугдзадзинты æлхъывдадæй. Сæ уавæр æмбаргæйæ, бахионтæ фыццаджыдæр ацыдысты ацы бинонтæм, кæд æмæ Елбайтыхъæу дæрддзæф хъæуыл нымад у, уæддæр. Æрбаластой хойраджы продукттæ, фæлæ йæ æмбарынц, ацæргæ адæмы фылдæр кæй хъæуы кæстæрты аудындзинад. Бобыревтæн цот нæ рацыд, фæлæ сæ бархионтæ хойрагæй цух нæ уадзынц.
Уæ зæрдыл уын æрлæууын кæндзыстæм, бархионты штаб #МыВместе Цæгат Ирыстоны кусы 3-аг къуыри, уыцы рæстæгмæ бакуыстой 3 мин курдиатыл.
