Сæ фатертæ хъарм кæнынц электрон радиаторты фæрцы. Фæлæ уый дæр расайы алыхуызон зындзинæдтæ. Дыууæ мины иуæндæсæм азы сарæзтой хæдзæртты хицæутты æмбалад, æмæ
86 аздзыд Хацъææты Елзарыхъо æмæ йæ хо Зинæидæ Елзарыхъо Мызуры цæрынц 9 уæладзыгон хæдзары. Дыууæйæ дæр сты инвалидтæ. Елзарыхъомæ ис сæкæрниз, æмæ йын цалдæр мæйы размæ алыг кодтой йæ къах. Дыууæйæ дæр хъаст кæнынц, сæ фатеры уазалæй фæлæууæн кæй нæй, уымæй. Нæй дзы хъарм дон дæр.
Ахæм уавæр сæвзæрд иннæ æртæ бирæуæладзыгон хæдзары дæр. Фатертæ хъарм кæнынц электрон хъармгæнæнтæй. Зымæджы райдинæй нырмæ сæм хъарм иу бон дæр нæ радтой.
Фæлæ радиатортæй пайда кæнын дæр æвзæрын кæны зындзинæдтæ, зæгъы Мызуры администрацийы сæргълæууæг Гæлæуты Таймураз. Тых куыстæй телтæ стæвд вæййынц, æмæ басудзынц. Ног азы размæ хи фæрæзтæй телтæй аивтой, фæлæ та тынг куы фæуазал уа, уæд ногæй сæ бон басудзын у.
2011 –æм азы цыппар бирæуæладзыгон хæдзары цæрджытæ скодтой хæдзæртты хицæутты æмбалад. Фарон федералон программæ æххæст кæнгæйæ аивтой бæстыхæйтты сæртæ. Фæлæ уый тыххæй æмбалад æхца райста кредит. Уымæн æмæ цæрджытæй бирæтæ техникон лæггæдтæн нæ фидынц.
Афтæмæй, чи нæ фиды, уыдоны тыххæй зындзинæдтæ æвзарынц хæс æппындæр кæмæн нæй, уыдон дæр.
Разамынддæттæг компанийы сæргълæууæджы курдиат, ома, фембæлæм æмæ иумæ бацархайæм уавæр фæхуыздæр кæныныл цæрджытæ ницæмæ дарынц. Ныр дæр та дзы кредитты æмæ районы администрацийы æххуысæй ивынц хæтæлтæ, цæмæй хæдзæртты хъарм дон ракæла, уый тыххæй.
Цыппар бирæуæладзыгон хадзары техникон лæггæдты фиддонтæ сты æртæ милуан сомы.
Хæдзæртты хицæутты æмбалад фæнд кæны курдиат тæрхондонмæ арвитын, æнæзакъон митæ чи кæны, уыдонæн сæ хæстæ бафидын кæныны тыххæй. Цæмæй иу хæс кæмæн нæй, уыдон дæр иннæты тыххæй зындзинæдтæ мА æвзарой, уый тыххæй.
