филиал вгтрк государственная телерадиовещательная компания “Алания”

Уыцы цауты не мзæххон Къуымæллæгкаты Артур стыр хъæбатырдзинад равдыста. Ныр та æвзары зындзинæдтæ. Аст сывæллоны фыды хъæуы æххуыс. Цæры Фарныхъæуы. Æрæджы сын сæ хæдзар ныууагътой æнæ газ æмæ æнæ рухсæй. Ныртæккæ Къуымæллæгкаты бинонтæм мæймæ хауы дæс мин сомæй чысыл фылдæр. Кæй зæгъын æй хъæуы, уыцы хцатæй аст сывæллоны не схæсдзынæ. Æрмæст сæ скъоламæ бацæттæ кæнын дæр зын у. Уымæ гæсгæ сæ районы администрацимæ бахъæуы курдиат ныффыссын материалон æххуыс райсыны тыххæй. Коммуналон лæггæдтæн фидын та сæ бон уæвгæ дæр нæу. Раздæр сын уыд льготæтæ, ныр сын сæ айстой. Сæ лыггæнинаг фарстаты тыххæй Къуымæллæгкатæ Рахизфарсы районы администрацийы иу æмæ дыууæ хатты нæ дзырдтой. Æххуыс дæр сын-иу бакодтой. Ныртæккæ та разы сты, цæмæй сæ хæстæ хайгай бафидой æмæ тынг ма стыхсой, ууыл. Баххуыс сын кæндзысты цæрæн-коммуналон хæдзарады лæггæдтæн субсидитæ райсынмæ дæр. Администрацийы æркæсдзысты иннæ бирæсывæллонджын бинонты уавæрмæ дæр.