Æппæт скъолаты минæвæрттæ дæр жюрийы уæнгтæн æмæ æрбацæуджытæн æвдыстой сæ арæхстдзинад мадæлон æвзагыл æмдзæвгæтæ аив кæсынæй.
Афтæ аив æмæ зæрдиагæй æмдзæвгæтæ бакæсынмæ Æрæфы районы Советон поселочы скъоламæ æрбацыд 34 сывæллоны.
Æппæт скъолаты минæвæрттæ дæр жюрийы уæнгтæн æмæ æрбацæуджытæн æвдыстой сæ арæхстдзинад мадæлон æвзагыл æмдзæвгæтæ аив кæсынæй.
Афтæ аив æмæ зæрдиагæй æмдзæвгæтæ
бакæсынмæ Æрæфы районы Советон поселочы скъоламæ æрбацыд 34 сывæллоны.
Кæд сæ кармæ гæсгæ хицæн кодтой, уæддæр се ппæты нысан дæр уыд, мадæлон
æвзаг куыд уарзынц æмæ зонынц, уый æрбацæуджытæм æмæ жюрийы уæнгтæм
фæхæццæ кæнын.
Мудойты Ирæ, Цыколайы 3-æм рæвдауæндоны
хъомылгæнæг: «Афтæ зæгъæн нæй æм аца равдыстмæ нæхи тынгш цæттæ кодта.
Нæ æрвылбоны куыст куыд арæзт у, уымæ гæсгæ нæ сывæллæттæ æдзух дæр
цæттæ сты мадæлон æвзагыл сæ зонындзиæдтæ равдисынмæ».
Æркасты архайæг хъуамæ аив бакастаид
поэтикон кæнæ прозаикон уыцмыс дыгурон æгъдау, дыгурон æфсарм, дыгурон
удварны хæзнаты темæйыл. Жюрийы уæнгтæ тынг лæмбынæг æвзæрстой
хуыздæрты.
Бабочиты Руслан,фыссæг, жюрийы уæнг: «Ам
архайын кæй фæндыди, уыдон тынг бирæ уыдысты. Уый ууыл дзурæг у, æмæ
кæстæр кълæсты æппæт предметтæ дæр дыгуронау кæй ахуыр кæнынц, уый сыл
кæй фæбæрæг. Уымæй уæлдай хæдзары дæр æндæр цæстæй кæсын райдыдтой
æвзагзонынады хъуыддагмæ».
Зæнгиаты Тиминæ, Дигорайы ахуырады
управленийы кусæг, жюрийы уæнг: «Нæ литературон æвзаг хъæздыг у дыууæ
‘взагæй. Ирон æмæ дыгурон æвзæгтæ, сты уыцы цæргæсы базыртæ æмæ дзы иу
куы фæхъæуа, уæд йæ хъару фæгыццылдæр уыдзæн».
Сывæллæттæй бирæтæ сценæмæ фыццаг хатт
рацыдысты, фæлæ сæ арæхстдзинад дисы фтыдта тæрхонгæнджыты. Хъараты
Изæбеллæ æркастмæ æрбацыд Лескены скъолайæ. Хорз зыдта, цæмæ цæуы, æмæ
йын бантыст жюрийы уæнгтæн дæр йæ нысан бамбарын кæнын, æмæ фыццаг
бынатмæ рацæуын.
Хъараты Изабеллæ, ерысты архайæг: «Æз
æркастмæ æрбацыдтæн лескенæй æмæ мæ фæндыди фыццаг бынат бацахсын.
Хъуамæ алы сывæллон дæр хæдзары дзура иронау, дыгуронау «.
Сывæллæтты зæрдæмæ тынг фæцыд
Республикæйы ахуырад æмæ наукæйы министрад, стæй Æхсæнадон змæлд «Малиты
Георги»-йы æрхъуыдыдзинад. Зæрдиагæй архайдтой, змæлды сæрдар Таматы
Таймураз сын мадæлон æвзаг зонынæй цы ерыстæ сарæзта, уым.
Таматы Таймураз, Æхсæнадон змæлд «Георги
Малиты»-йы сæрдар: «Сывæллæттæ афтæ хорз сæхи бацæттæ кæндзысты, уый
æнхъæл нæуыдтæн. Æркастæн ном æз радтон, æмæ йæ мидисмæ гæсгæ азы
кæронмæ чи куыд базыдта афæдзмæ йæ маæлон æвзаг, уый равдиса».
Æркасты фæстæ иу æмæ дыууæ адæймаджы нæ
бацыд нæ республикæйы ахуырад æмæ наукæйы министрады сæйраг специалист,
жюрийы уæнг Лагкуыты Розæмæ арфæйы ныхæстимæ, æппæт архайджытæн дæр
æмбæлгæ аргъ кæй скодта, уый тыххæй.
Лагкуты Розæ, республикæйы ахуырад æмæ
наукæйы министрады сæйраг специалист: «Зæгъын хъæуы уый, æмæ ахæм
æркастытæм кæсгæйæ æрмæст сывæллæттæ нæ разæнгард кæндзысты мадæлон
æвзаг зонынмæ, фæлæ ныййарджытæ дæр».
Æркасты уæлахиздзаутæ хорззæхгонд æрцыдысты æхцæйы премитæй, чингуытæй.
Сосранты Жаннæ
