филиал вгтрк государственная телерадиовещательная компания “Алания”

Нæ республикæйы æфсæддон-патриотон æхсæнадон организацитæ, Теркаг хъазахъхъæгтæ, æмæ салдæтты мадæлты комитет цæттæ сты Украинæйы хуссар-скæсæйнаг хайы цæрджытæн баххуыс кæнынмæ. Уый тыххæй фехъусын кодтой сæ фыстæджы. Уым загъд ис: Гæрзифтонг тыхты ветерантæ, Афганистаны хæсты архайджытæ сæ хъус дарынц æфсымæрон бæстæйы цаутæм. Æмæ куыд зæгъынц, афтæмæй сæм куыдфæндыйы цæстæй нæ кæсдзысты. Цæттæ сты цыфæнды афон дæр сыстынмæ æмæ сæ ххуысы хай бакæнынмæ. Уыимæ куыд гуманитарон, афтæ æндæр хуызы æххуыс дæр. Сæ сæйрагдæр хæсыл нымайынц, Украинæйы туг æркалын ма бауадзын. Ацы фыстæджы сæ къухтæ бафыстой «Æфсæддон æфсымæрады», «Афганистаны ветеранты», «Теркаг хъазахъхъæгты», «Ирыстоны хъахъхъæнджыты» регионалон хайæдты разамонджытæ, салдæтты мадæлты комитет æмæ нæ республикæйы десантникты цæдис.

Дудиаты Сергей, Абхазы бархион-ветеранты цæдисы сæрдар: «Мах, ветеранты организациты, ома, ныртæккæ уыцы цаутæ æнгомдæр сбастой кæрæдзиул. Иууылдæр иу хъуыдыйыл хæст стæм. Баххуыс кæнын хъæуы Украинæйы цæрджытæн. Афтæ хъуыды кæнæм иууылдæр».