Уыцы мгъуыдмæ Цопанаты Хетæг æмæ ма цалдæр зæрдæхæлар адæймаджы стыр æнтыстдзинæдтæ равдыстой.
Нæ республикæйы 5 азы кусы клуб «Ирон дог». Уыцы мгъуыдмæ Цопанаты Хетæг æмæ ма цалдæр зæрдæхæлар адæймаджы стыр æнтыстдзинæдтæ равдыстой. Сæ сæйраг уæлахизыл та банымайæн ис уый, æмæ куыйты мыггаг Алано Эспаньол регистрацигонд æрцыд национ клубы. Нырæй фæстæмæ сын ис сæрмагонд паспорттæ. Уæвгæ та, ацы куыйты мыггаг парахат кæныны хъуыддаг цæуы æнтыстджынæй. Суанг ма сæ кой цæуы социалон хызты дæр. Ныр та фæнд кæнынц ног хъомылгæнæн бынат саразын.
Испанийæ цалдæр азы фæстæ Ирыстонмæ. Куыйты хуыз Аланойы тыххæй йæ программæтæй иуы радзырдта Григорий Манев. Уæд, чи зоны æмæ нæ хъуыды кодта, кæддæр ацы цæрæгойты равзæрды историон бынаты уыдзæн, ууыл. Цопанаты Хетæджы хуындмæ гæсгæ, æрæджы журналист уазæгуаты уыд нæ республикæйы. Цалдæр боны ныхас кодта, ацы цæрæгойты мыггагимæ чи кусы, ахæм ирыстойнаг лæппутимæ. Бабæрæг кодта нæ республикæйы рæсугъддæр кæмттæ, æмæ базонгæ Кавказы алайнаг догтæ хъомыл кæныны сусæгдзинæдтимæ. Цæуыл бадис кæна, ахæм хъуыддæгтæ уæвгæ дæр ис. Клуб «Ирон дог» кусы 5 азы. Уыцы мгъуыдмæ Цопанаты Хетæг æмæ ма цалдæр зæрдæхæлар адæймаджы стыр æнтыстдзинæдтæ равдыстой.
Сæ сæйраг уæлахизыл та банымайæн ис уый, æмæ куыйты мыггаг æрцыд регистрацигонд. Нырæй фæстæмæ сын ис сæрмагонд паспорттæ. Уый та сæ фидæны хицæуттæн дзурæг у, сæ хъомылгæнинæгты равзæрды истори бæрæг кæй у, ууыл.
Ацы куыйты мыггаг парахат кæныны хъуыддаг цæуы æнтыстджынæй. Суанг ма сæ кой цæуы социалон хызты дæр. Афтæмæй сæм стыр æргом здæхт цæуы. Тменаты Алан Цæгат Ирыстоны нæ цæры. Фæлæ йæ уый ницы хъыгдары бынæттон куыйты мыггаг парахатгæнджытимæ æмгуыстад кæныны хъуыддаджы. Йæхимæ дæр ис алайнаг дог. Ныр Хакасийы дæр хорз зонынц ирыстойнаг куыйты тыххæй.
Цопанаты Хетæгæн ног хъомылгæнæн бынат у – алайнаг догтæ парахат кæныны радон фæрæз. Зæгъæн ис, æмæ ацы проект у йæ бæллиц. Уымæн æмæ сывæллæттæн суыдзæн – цæрæгойтимæ ахастдзинæдтæ нывыл кæныны бынат, стæй ма сæм гуырын кæндзæн бæрнондзинад дæр. Уæвгæ та Алано Эспаньолы хуыз у зæрдæхæлар куыдз. Ома дзы сабитæн тæссаг нæу. Æрыгон лæппу Авдан уымæн ирд дæнцæг. Йæ хъомылгæнинагимæ базонгæ афæдзы размæ, æмæ кæрæдзиуыл тынг сæнувыд сты.
Цопанаты Хетæджы хъæппæрис царды куы рацæуа, уæд лæппутæн æмæ чызджытæн фадат фæуыдзæн уарзон цæрæгойтимæ æнгомдæр архайынæн. Уый та ныфс дæтты, сывæллæттæ сæ алфамблай цард кæй уарздзысты æмæ хорз адæмæй кæй схъомыл уыдзысты, ууыл.
