Уый тыххæй загъд уыд координацион комитеты æмбырды
Нæ республикæйы алы 10-æм цæрæг у инвалид. Уый тыххæй загъд уыд координацион комитеты æмбырды. Сæрдариуæг дзы кодта республикæйы хицауады вице-премьерАзымты Иринæ. Пенсион фонды бæрæггæнæнтæм гæсгæ 1-æм июньмæ нæ республикæйы инвалидты нымæц у 67614 адæймаджы. Уыдонæй фæллой кæныны кары сты 24204. Кусгæ кæнынц 5086, уый проценттæй нымайгæйæ уайы 21% чысыл фылдæр. Республикæйы паддзахадон прораммæммæ гæсгæ ахæм адæмæн 2014-æм азæй 2024-æм азмæ сарæзтой программæ. Æмæ йæ фæлгæты куыстдæттыны комитет архайы сæрмагонд уагæвæрдмæ гæсгæ. Æххæстгонд дзы цæуынц æппæт домæнтæ, суанг ма инвалидты сæ куысты бынатмæ æмæ фæстæмæ кæныны фæтк дæр. Уыимæ йе нæниздзинад цудыд кæмæн у, ахæм адæймаджы организаци йæхимæ куы райса, уæд ын паддзахад йæ хæрдзты иу хай сæхгæндзæн. Нырма уал сты 25 куыстуаты. Куыстдæттыны комитеты сæрдар Платы Альбинæ куыд радзырдта, афтæмæй ацы азы фыццаг æмбис сæм курдиæттæ балæвæрдтой 682 инвалид адæймаджы. Уыдонæй рæстæгмæ куыст ссардой 40-æн, 5 адæймагæн та дæргъвæтин рæстæгмæйы. Уыимæ сæрмагонд кусæнгæрзтæй ифтонг бынæттæм. Профориентаци райстой 641. 2 инвалид адæймаджы райстой уæлæмхасæн дæсныйад. Фæлæ кæд ивддзинæдтæ хуыздæрырдæм цæуы, уæддæр йе нæниздзинад цудыд кæмæн, уыдоны хсæн нырма бирæ æгуыст адæм ис. Социалон уавæр фæхуыздæр кæнынæн арæзт цæуынц мадзæлттæ. Афтæ республикæйы хицауад бæрæг кæны, инвалид адæмы квотæтæм гæсгæ кусынмæ райсын кæй бон у, уыцы организациты. Куысты бынæттæ агурынц 14-азæй 18 азы онг æвзонг адæмæн дæр.
