30 мая 2023, 11:50
Нæ республикæйы ацыд «Æвзонг сабырдзинадтауджыты змæлды» 9-æм регионалон æмбырд
Мадзалы нысан – зæххы къорийы сабырдзинады сæраппонд йæ цард чи радта, уыцы хъæбатыр хæстонты ном æрымысын, фæсивæды зæрдæты та патриотон æнкъарæнтæ гуырын кæнын
Ацы бонты æппæт дунейы дæр бæрæг кæнынц сабырдзинадтауæджы бон. Нæ республикæйы дæр йæ кадæн ацыд бирæ тематикон мадзæлттæ. Зæгъæм, «Æвзонг сабырдзинадтауджыты змæлды» 9-æм регионалон æмбырд. Арæзт æрцыди республикæйы ветеранты советы. Мадзалы нысан – зæххы къорийы сабырдзинады сæраппонд йæ цард чи радта, уыцы хъæбатыр хæстонты ном æрымысын, фæсивæды зæрдæты та патриотон æнкъарæнтæ гуырын кæнын. Акцийы архайдтой волонтертæ, республикæйы скъолаты ахуырдзаутæ, Дзæуджыхъæуы Галиуфарсы районы ветеранты советы минæвæрттæ, æхсæнадон æмæ патриотон организациты уæнгтæ.
темæмæ гæсгæ
