Мадзалы архайынц 55 лæппуйы æмæ чызджы нæ бæстæйы 14 субъектæй
Нæ республикæйы дарддæр æххæстгонд цæуы архитектурон экспедици «Цæгат Кавказ». Мадзалы архайынц 55 лæппуйы æмæ чызджы нæ бæстæйы 14 субъектæй: Мæскуыйæ, Краснодары крайæ, Красноярскæй, Камчаткæйæ, Новосибирскы облæстæй, Татарстанæй, Удмуртийæ æмæ æндæр регионтæй. Проект æххæстгæнгæйæ, студенттæ – æрыгон архитектортæ Уæрæсейы алы рæттæй сæрмагондæй ссыдысты Цæгат Ирыстонмæ, æмæ ныридæгæн бабæрæг кодтой Дзæуджыхъæуы æхсæнадон бынæттæ, стæй базонгæ сты республикæйы хæххон районты зæрдылдарæн бынæттимæ. Архитектурон балцы хатдзæгтæм гæсгæ бакуыстой сæхи проекттыл. Уыдон экспедицийы архайджытæ æвдисынц Цæгат Кавказы хæххон металлургон институты къамисæн. Дизайнерон уынаффæтæ баст сты нæ республикæйы инфраструтктурæ фæхуыздæр кæнынимæ. Уымæй дарддæр экспедицийы актуалондзинад ма бæрæг у уымæй, æмæ фæсивæд сæ территориты аивдзинадыл кæй кусынц, уый хъуыддагмæ здахы фылдæр æрыгон адæмы ргом. Фиданы та хуыздæр проекттæ уадздзысты царды. Иу ахæм проектыл нымад æрцыд, Цæгат Кавказы рагондæрыл нымад чи у, уыцы Джызæлдоны ГЭСы рацарæзт. Объект ма хаст æрцыд культурон хæзнаты хыгъдмæ.
