филиал вгтрк государственная телерадиовещательная компания “Алания”

Нæ республикæйы дарддæр цæуы дзыллон вакцинаци. Ивгъуыд къуыри Цæгат Ирыстонмæ сластой вакцинæ «Гам-Ковид-Вак» – ы уæлæмхасæн парти, æдæппæтæй 3400 комплекты. Прививкæтæ ацы бонты скодтой тагъд æххуысы клиникон рынчындоны кусджытæ, алы хайдты 40 дохтыры, медицинон колледжы ахуырдзаутæ, сæкæрнизæй рынчын æмæ ацæргæ адæм. Уыдонæн сæ иммунитет у лæмæгъдæр. Уымæ гæсгæ специалисттæ зæгъынц, привикæ сын ахадгæ кæй уыдзæн, уый. Фæстаг рæстæг привикæтæ кæнынц республикæйы районты дæр. Адæммæ ис сæхи хъуыдытæ, цæмæн рахастой вакцинаци скæныны уынаффæ, уый тыххæй.