Уыдонæй дыууæ ныртæккæ ивынц Октябрьскæйы æмæ Тарскæйы
Нæ республикæйы, федералон проект æххæст кæнгæйæ, дарддæр цæуы хидты рацарæзт. Уыдонæй дыууæ ныртæккæ ивынц Октябрьскæйы æмæ Тарскæйы. Баивдзысты дзы, ивгъуыд æнусы 50-йæм азты арæзт чи рцыд, уыцы конструкцитæ. Уымæн æмæ нырыккон домæнтæн дзуапп нал дæттынц. Объектты фæллой кæнынц æнæххæстбарджын æхсæнад «Бурстроймонтаж»-ы специалисттæ. Уыдон ныридæгæн фесты Камбилеевкæйы цæугæдоны сæрты хиды цæджындзтæ. Уый у Тарскæмæ фæндаджы 9-æм километрыл. Фидæны хиды дæргъ уыдзæн 18 метры, йæ уæрх та 10 метры. Уыимæ дзы фистæгæйцæуджытæн уыдзæн дыууæ къахвæндаджы, метр æмæ рдæг фæйнæрдыгæй. Аразджытæ зæронд хиды разæй сраст кодтой фæндаг, цæмæй уа æдасдæр. Куыстыты хæрзхъæддзинадмæ кæсынц фæндæгты хæдзарады Комитеты специалисттæ. Хидтæ эксплуатацийы раттынмæ хъавынц ацы азы кæронмæ.
