Цæмæй коронавирусы инфекци дарддæр ма парахат кæна, уый тыххæй, раздæрау, нæй аразæн театралон-ирхæфсæн, культурон-рухстауæн æмæ æндæр дзыллон мадзæлттæ
Абонæй фæстæмæ Цæгат Ирыстоны Сæргълæууæджы уынаффæмæ гæсгæ, нæ республикæйы ист æрцыдысты хи изоляцийы иуæй-иу мадзæлттæ. Цæмæй коронавирусы инфекци дарддæр ма парахат кæна, уый тыххæй, раздæрау, нæй аразæн театралон-ирхæфсæн, культурон-рухстауæн æмæ æндæр дзыллон мадзæлттæ. Уыцы фæтк хауы кинотеатрты æмæ сывæллæтты ирхæфсæн центрты куыстмæ. Уыимæ, базарадон центрты бындурыл чи кусы, уыдонмæ. Уымæй дарддæр, 65 азæй фылдæр кæуыл цæуы, уыцы адæм хъуамæ дарддæр æххæст кæной хи изоляцийы фæтк. Цæгат Ирыстоны территорийы ма æнæмæнг дарддæр æххæст кæнын хъæуы маскæтæ дарыны фæтк. Стæй санитарон домæнтæ æххæст кæнын паддзахадон хицаудзинады куыстуæтты, медицинон организациты, афтекты, дуканиты, автовагзалты æмæ æфсæнвæндæгты вагзалты, аэропортты, стæй æхсæнадон транспорты æрлæууæнты.