Се ппæт дæр сты сæ хæдзæртты, хъусын кæнынц Уæрæсейы фæлхасадмæ цæстдарды цæгатирыстойнаг управленийæ
Абоны онг нæ республикæйы коронавирус кæмæ сбæрæг кодтой, уыдон сты 8 адæймаджы. Се ппæт дæр сты сæ хæдзæртты, хъусын кæнынц Уæрæсейы фæлхасадмæ цæстдарды цæгатирыстойнаг управленийæ.
Уымæй уæлдай реанимацийы цы дыууæ уæззау рынчыны ис, уыдоны анализтæ нырма бæлвырд не сты, æнхъæлмæ кæсынц Мæскуыйы референс-центры хатдзæгтæм. Республикæйы æнæниздзинадхъахъхъæнынады министрады хъусынгæнинагмæ гæсгæ сывæллæтты республикон клиникон рынчындоны сæ анализы хатдзæгтæм æнхъæлмæ кæсынц 4 адæймаджы. Ныронг ацы рынчындоны COVID-19 никæмæ ма сбæрæг кодтой. Афæтæмæй ацы сахатмæ офицалон бæрæггæнæнтæм гæсгæ коронавирусæй рынчынты нымæц у 8 адæймаджы æмæ се ппæты дæр дзæбæх кæнынц сæ хæдзæртты.
