Сывæллæтты фыццаг фæлтæр суазæг кодта санаторий «Тæмискъ»
Нæ республикæйы райдыдта сæрдыгон дзæбæхгæнæн кампани. Сывæллæтты фыццаг фæлтæр суазæг кодта санаторий «Тæмискъ». Уым кæстæртæн бацæттæ кодтой хъæздыг æмæ алывæрсыг программæ. Дзæбæхгæнæн процедурæтæ, спортивон фæлтæрæнтæ, стæй ма сын фадат ис скъолайы программæ дæр ахуыр кæнынæн. Куыд æрвитынц сæ рæстæг фæлладуадзджытæ, уый тыххæй радзурдзæн Хъайтмазты Дзерассæ.
Ахуырадон процесс фæлладуадзæн рæстæг дæр не рлæууыд. Санатори «Тæмискъ» йæ дуæрттæ байгом кодта сæрдыгон дзæбæхгæнæн кампанийы фыццаг фæлтæрæн. Сывæллæттæй бирæтæ ам фыццаг хатт не сты.
Æдæппæтæй санаторийы суазæг кодтой 160 сывæллоны республикæйы алы районтæй. Балцæгтæ сты 21 бонмæ. Уыцы рæстæг сын фаг у, цæмæй се нæниздзинад фæфидардæр кæной, стæй сæ хæдзæрттæ ма æрымысой, уымæн. Ам семæ сты, сæрмагонд операцийы зонæйæ Ирыстонмæ кæй раивтой, уыдон дæр – 80 адæймагæй фылдæр.
Зарджытæ, кæфтытæ, спортивон секцитæ, æрмдæсныйад. Сывæллæттæ æдзухдæр хъуыддагыл хæст сты. Ам ис, скъоладзаутимæ психологон æгъдауæй кæм кусынц, ахæм уат дæр. Боны дæргъы та сын фадат ис, фæлладуадзæн агъуыстыты бауылæфынæн.
Программæйы æнæмæнг хай сты дзæбæхгæнæн процедурæтæ дæр – сæрмагонд ваннæтæ, массажтæ, фитококтейльтæ æмæ ингаляцитæ. Тренажерты зал дæр æххæст у ног кусæнгæрзтæй.
Санатори «Тæмискъ»-ы сæрды дæргъы цæттæ сты ноджыдæр 6 фæлтæры суазæг кæнынмæ. Кусæнуаты уымæн алы фадæттæ дæр ис.
