Экологи æмæ æрдзæн зиан чи хæссы, уыцы бынæттæ скуынæг кæныны куыст цæуы, сæрмагонд проект «Экологи»-мæ гæсгæ
Нæ республикæйы райдыдтой, Уыналы æппæрццæг хауæццæгтæ кæм æмбырд кодтой, уый рекультиваци кæнын. Экологи æмæ æрдзæн зиан чи хæссы, уыцы бынæттæ скуынæг кæныны куыст цæуы, сæрмагонд проект «Экологи»-мæ гæсгæ. Уый æххæст кæнгæйæ, территори бахъахъхъæндзысты инженерон æгъдауæй, æмæ йын базилдзысты йæ зæххытæм. Бæлвырддæр – Моргуаты Ладæ.
Ацы цаумæ республикæ рагæй æнхъæлмæ каст. Садоны Зды æмæ цинчы хауæццæгтæ Уыналы цæрджыты рагæйтыхсын кæнынц., Ныр национ проект «Экология» æххæстгæнгæйæ хауæццæгты фæзуат æрцæудзæн æхгæд. Ам рæстæджы цыдимæ сырæздзæн хъæд. Ныр та уал йæ фыццаг уæлцъар бамбæрздзысты хуырæй, уый фæстæ æлыг, фæстаг уæлцъар уыдзæн сау мæр. Æрмæст дзы уый фæстæ райдайдзæн цъæхфæлыс.
Куыстæтæ райдыдтой къуырийы размæ. Хауæтдзæгты дон зынгæ фæкъаддæр, ауагътой йæ цæугæдонмæ.
Уыналы куыстытæ куыд цæудзысты, ууыл æрдзырдтой проект Хицауадимæ æргом ныхас кæнгæйæ дæр. Министр Мамиаты Чермен радзырдта Садоны зды æмæ цинчы комбинатæй хауæтдзæгтæ баззад 4 милуан тоннæйы. Æмæ ахæм егъау хауæтдзæгтæ бакусыны ныфс æнæхъæн Уæрæсейы иу реионмæ дæр нæ разынд
Уыцы фæтк куыд сæххæст кæндзысты, уый æмбæрстгонд нæу, уымæн æмæ нæй хъæугæ технологи. Нырма та уал объект йæхи куыд дары, уымæ сæ цæст дарынц специалисттæ.
