08 ноября 2019, 15:57
Нæ республикæйы цæрджыты юридикон зонындзинæдты æмвæзад равдисдзæн барадон диктант
Йæ архайджыты фылдæр хай – скъоладзаутæ æмæ студенттæ.
Бæстæйы цæрæджы бартæ кæм фæвæййынц, æмæ кæм райдайынц йæ хæстæ? Чи æрхъуыды кæны закъон, æмæ цы кæнын хъæуы, йемæ разы куы нæ уай, уæд. Нæ республикæйы цæрджыты юридикон зонындзинæдты æмвæзад равдисдзæн барадон диктант. Йæ архайджыты фылдæр хай – скъоладзаутæ æмæ студенттæ. Абон тесттæ цæуынц сæхи кълæсты. Иннæтæ та сæ юридикон зонындзинæдтæ æвдисынц онлайн бастдзинады фæрцы. Æппæт фарстатæ та фенæн ис проект саразджыты официалон сайты. Сты фæсивæдон парламенты æмæ нæ республикæйы Конституцион тæрхондоны кусджытæ. Барадон диктант баст у Цæгат Ирыстоны конституцийы 25 азы бонимæ. Æдæппæтæй диктанты архайдтой 7 мин адæмагæй фылдæр.
темæмæ гæсгæ