Цæгат Ирыстоны паддзахадон университеты æппæты парахатдæр дæсныйæдтæ, раздæрау, сты юриспруденци, менеджмент, экономикæ æмæ стоматологи
Нæ республикæйы уæлдæр ахуырггæнæндæтты дарддæр цæуы гæххæттытæ исæн кампани. Цæгат Ирыстоны паддзахадон университеты æппæты парахатдæр дæсныйæдтæ, раздæрау, сты юриспруденци, менеджмент, экономикæ æмæ стоматологи. Фадат ис ног къабæзтæ равзарынæн дæр. Байгом дзы кодтой дæсныйад – горæт аразыны бакалавриат. Хæххон паддзахадон аграрон университеты та ныридæгæн курдиæттæ балæвæрдтой 2098 адæймаджы. Уый – уæлдæр ахуырад райсынмæ. Стæй ма 411 курдиаты та астæуккаг ахуырадæн. Ахсджиаг дæсныйæдтæ сты ветеринария, технологон менеджмент, æнæпилотæй тæхæг аппаратты эксплуатаци. Цæгат Кавказы хæххон металлургон институты парахат къабæзтæ сты арæзтад, информатикæ æмæ нымайæн техникæ, информатикæ æмæ архитектруæ. Бюджетон бынæттæм курдиæттæ исдзысты абоны онг.
