Уый та дзурæг у ууыл, æмæ нæ республикæйы нæ фаг кæнынц специалисттæ
Ӕнæниздзинадхъахъхъæнынады къабазы ныртæккæ ис 200 уæгъд куысты бынаты онг. Уый та дзурæг у ууыл, æмæ нæ республикæйы нæ фаг кæнынц специалисттæ. Уый нæхынцгæйæ, алы аз дæр Цæгат Ирыстоны медицинон академи каст фæвæййынц профессионалон кадртæ. Сæрмагондæй уыцы темæйыл æрныхас кодтой экспертон æхсæнады æмбырды. Сосранты Жаннæ радзурдзæн бæстондæр.
Фæрниаты Тамерлан бонмæ скæны 6 операцийы онг. Фæлтæрдджын дохтыр, 30 азы дæргъы дзæбæх кæны ахсæны æмæ игæримæ баст низтæ. Цæгат Кавказы хуыздæр операцитæгæнæн бынат æххæст у æппæт хъæугæ кусæнгæрзтæй. Фæлæ Тамерлан операцитæ кæны эндоскопийæйы æххуысæй.
Республикæйы раззагдæр хирург–эндоскописты ныхæстæм гæсгæ дохтыры дæсныйад хъуамæ адæймагæн Хуыцауæй лæвæрд уа. Уæд дæ бон уыдзæн адæмы рыст æмæ зын æмбарын. Уыимæ дæ фæнддзæн дæ зонындзинæдтыл æфтауын пациенттæн хуыздæр балæггад кæныны нысаниуæгимæ.
Специалистты хъуыдымæ гæсгæ æнæниздзинадхъахъхъæнынады къабаз цух æййафы дæсны дохтыртæй. Зæгъæм, Дзæуджыхъæуы 4-æм поликлиникæйы, стæй Алагиры æмæ Дигорайы рынчындæтты нæ фаг кæны хирургтæ. Уымæй уæлдай нæй психиатр- наркологтæ, фтизиатртæ, низ иртасæн лабораторийы дохтыртæ.
Ам куыст цæуы. Фыццаджыдæр студенттæ æмæ ординатортимæ. Уыдоныл сæ зæрдæ дарынц, куыд фидæны хорз специалисттыл.
175 азы размæ наукæ фæуæлахиз рыстыл. Уæд дæндæгты дохтыр Томас Мортон фыццаг хатт историйы скодта наркозимæ операци. Ныр, кæд уыцы адæмы æнцондзинадæй ис пайдагæнæн, уæд Ирыстоны та нæ фаг анестезиологтæ.
Афæдзæй фылдæр анестезиологтæ – реаниматологтæ тох кæнынц COVID-19-имæ. Фæлæ, рæстæг куыд рабæрæг кодта, афтæмæй, рынчындæдты фаг нæй ацы дæсныйадыл хæст специалисттæ.
Цæгат Ирыстоны медицинон Академийы æрдзырдтой куыд ис , дохтыртй æнæхъæртондзинады фарста алыг кæныны фарстайыл. Ахуыргæннæдоны, хистæр курсыты студенттæн арæзт æрцыд мадзал «День карьеры». Ахуыргæнинæгты зонгæ кодтой куыст ссарыны сусæгдзинæдтимæ-куыд хуыздæр хъæуы резюме саразын æмæ афтæ дарддæр.
Цæгат Ирыстоны куыстæй æххæстгæнæн комитеты бæрæггæнæнтæм гæсгæ æнæниздзинадхъахъхъæнынады къабазы ныридæгæн ис 200 куысты бынаты.
Республикæйы æрыгон дæсны дохтырты бауромæн æнцон нæу. Хъæуы сын саразын зæрдæмæдзæугæ куысты гæнæнтæ æмæ уавæртæ.
Æрыгон специалистты æххуысæн кусы программæ земский доктор. Уым бацархайгæйæ сæ бон у сæ царды уавæртæ фæхуыздæр кæнын. Уæлдай фылдæр кусджытæ хъæуы Мæздæджы районы. Ам æнхъæлмæ кæсынц 50 медицинон кусæгæй фылдæрмæ.
Уæвгæ æнæниздзинадхъахъæнынады кусджытæ кæй нæ фæг кæны, уый низы хуызæн у, фæлæ куыд федтам, афтæмæй уæззау низ нæма у. Тæссаг у зæрдиагæй йæм куы нæ базилой, афойнадыл дзæбæхгонд куы не рцæуа, уæд уавæр зынгæ кæй февзæрдæр уыдзæн, уымæй.
