Дысон изæрæй Налцыччы уынгтæй иуы 2 фыдгæнджытæ амардтой Уæрæсейы паддзахадон телерадиокампанийы Кæсæг Балхъары телеуынынады информацион хабæртты амонæг Казбек Геккиевы.
Дысон изæрæй Налцыччы уынгтæй иуы 2
фыдгæнджытæ амардтой Уæрæсейы паддзахадон телерадиокампанийы Кæсæг
Балхъары телеуынынады информацион хабæртты амонæг
Казбек Геккиевы.
Уæрæсейы слестгæнæн комитет æвæстиатæй
рарвыста фæлтæрдджын криминалисты. Ныртæккæ республикæйы цæуы операци
«Вулкан-4». Барадон оргæнты кусджытæ агурынц фыдгæнджыты. Кæсæг Балхъары
зындгонд журналисты кæй амардтой, уый, чи зоны, баст у йæ дæсныйадимæ.
Раздæр æм æртхъирæн кодтой. Казбек Геккиевыл цыд 28 азы. Куыд журналист,
афтæ фылдæр архайдта хуымæтæг цард æвдисыныл, криминалон хъуыддæгты
фæдыл æрмæджытæ никуы сарæзтæ, уымæ гæсгæ, ныртæккæ зын зæгъæн у, цæмæ
гæсгæ йæ амардтой уый. Кæсæг Балхъары телеуынынады куысджытæ сæ уарзон
журналистыл сарæзтой документалон киноныв æмæ йæ абон равдисдзысты
цалдæр хатты. Казбек изæры информацион рауагъды амонæгæй бакуыста
æрмæстдæр афæдзы æмбис. Йæ размæ дзы чи куыста, уыдоны тыххæй æбæрæг
адæм интернеты домдтой, цæмæй эфирæй ист æрцæуой. Уымæ гæсгæ дзы
хабæрттæ кæсын райдыдта Казбек Геккиев.