филиал вгтрк государственная телерадиовещательная компания “Алания”

Æмбырд амыдта Хицауады сæрдары хæдивæг Зæнгионты Виталий. Ног закъоны ис домæнтæ, цæмæй наркоманийæ рынчын адæймагæн бар уа равзарынæн – ахæстоны йæ сбадын кæнын, кæнæ та йæ наркоманийæ сдзæбæх кæнын. Ацы азы райдианæй нырмæ республикæйы наркотикты æнæзакъон зилдухимæ баст фыдракæндтæй сбæрæг кодтой 650-йæ фылдæр. Федералон закъонмæ гæсгæ, наркотиктæй чи пайда кæны, уыдоны хъæуы сразæнгард кæнын сæхи сдзæбæх кæнынмæ, цæмæй дарддæр раст фæндагыл цæуой. Наркологон диспансеры хыгъды ис 2 мины æмæ 500 адæймаджы. Фæлæ сæ нымæц у бирæ фылдæр. Наркоманийы профилактикон мадзæлттæй иу у хъæддаг гæнимæ тох. Хъæууон хæдзарады министрад куыд фехъусын кодта, афтæмæй алы районы дæр бæрæггонд æрцыдысты, гæн кæм зайы, уыцы бынæттæ, æмæ йæ фесафынæн балхæдтой гербицид.